سلام اےاُمِّ جاہد!آپ پر اللہ کی ہو رحمت
جووقفِ نَو حسیں بچےکو دی تھی خوب تربیت
بڑی ہمت سے تنہا چاند سے بچے کو پالا تھا
خدا خود حوصلہ دے آپ کو اور صبر کی طاقت
خدیجہ! آپ تنہا تو نہیں ہیں ایسے صدمے میں
ہمیشہ ساتھ ہےاللہ کی تائید اور نصرت
بہت سی خوبیاں لے کر وہ اس دنیا میں آیا تھا
بہت ہی مختصر پائی تھی جینے کی مگر مہلت
بہت تکلیف سے گزرا تھا وہ معصوم سا بچہ
عطا کی اس کو مولا نے رضا کی دائمی جنت
وہ بے حد نیک تھااللہ سے زندہ تعلق تھا
پیارے آقا نے اس کو دعاؤں سے کیا رخصت
دعا ہے احمدی بچے سبھی ہوں چاند اور تارے
دعا ہے علم و عرفاں میں ملے سب کو بہت برکت
(امۃ الباری ناصر۔امریکہ)
