دنیا میں نذیر آیا دنیا نے نہ پہچانا
اور اس کا ہر اک دعویٰ بس جھوٹ ہی گردانا
کچھ لوگ خدا والے جب ساتھ ہوئے اس کے
تو قادرِ مطلق نے ان سب کو سوا جانا
ایک ایسا بھی وقت آیا تہہِ تیغ ہوئی دنیا
طاعون کی وبا پھیلی ہوئیں بستیاں ویرانہ
بشارت دی مسیحا نے آئے گا جو دار اس کے
اللہ بچائے گا اس کو تو معجزانہ
دیکھا پھر دنیا نے جو آئے تھے دار اس کے
ان سب کو ملی راحت اور فیض کریمانہ
پھر آج کرونا ہے دنیا کو نگلنے کو
کتنے ہی شکار اس کا ہو جاتے ہیں روزانہ
ہے وقت کہ پہچانو اللہ کے حکموں کو
تا تم کو دکھائے پھر اک صفت وہ رحمانہ
لگ جاؤ دعاؤں میں اللہ کی پناہ مانگو
تا تم کو ملے اس سے اک شفقت پدرانہ
وہ دارِ مسیحا تھا یہ دارِ خلافت ہے
ہو جاؤ جمع اس میں عاجز کہے دیوانہ
(محمد اسحاق عاجز ۔لندن)
