جلسہ سالانہ کے حوالے سے نظم
روحانیت میں خود کو بڑھائیں گے تین دن
اک جاگ پھر سے ہم میں لگائیں گے تین دن
گونجے گا شش جہت میں رسولِ خدا کا نام
نعتِ رسولِ پاک سنائیں گے تین دن
پھر سے لگیں گی گلشنِ احمد میں رونقیں
ہر دل میں شمعِ عشق جلائیں گے تین دن
اٹھیں ہیں عزم کر کے غلامانِ مصطفیٰ
دنیا کو اک خدا کا بتائیں گے تین دن
آؤ! خدا کے فیض کا چشمہ ہے بَہ رہا
جام مئے علوم پلائیں گے تین دن
نورِ خدا کو پاؤ گے جلوہ نما یہیں
روئے زمیں پہ نور دکھائیں گےتین دن
(حافظ مستنصر احمد قاہر)
