بہت پیارا یہ روحانی غِذاؤں کا مہینہ ہے
خدا کی رحمتِ باراں دُعاؤں کا مہینہ ہے
یہ جسمانی اندھیروں کو مِٹانے کے لئے آیا
عِبادت اور تِلاوت کی فضاؤں کا مہینہ ہے
گناہوں سے کریں توبہ کہ نور اللہ بھرے دل میں
خدا سے مانگ لیں بخشش دعاؤں کا مہینہ ہے
ہمیں دوزخ کی آگوں سے یہ آزادی دِلاتا ہے
بہت روحانی جنّت کی ہواؤں کا مہینہ ہے
چلیں تقویٰ کی راہوں پر یہی روزوں کا مقصد ہے
حُصُولِ تقویٰ کی خاطِر دعاؤں کا مہینہ ہے
(راجہ سکندر جلال۔بینن)
