مىرا اپنا نہىں کوئى تىرے سوا تم سے نہ کہوں تو کس سے کہوں
تم سے تو نہىں مرا حال چھپا تم سے نہ کہوں تو کس سے کہوں
ترا نام غفور ہے پىارے خدا بخشش مىں تجھے آتا ہے مزا
رکھ لىنا غرىب کا پاسِ حىا تم سے نہ کہوں تو کس سے کہوں
دلدل ہے گناہوں کى گہرى ٹکتے نہىں مىرے پاؤں کہىں
تو زور سے تھام لے ہاتھ مرا تم سے نہ کہوں تو کس سے کہوں
مالک مجھ سے وہ کام کرا جس سے ہو حاصل تىرى رضا
لىنا نا حساب کتاب مرا تم سے نہ کہوں تو کس سے کہوں
مىں اپنے کئے پر نادم ہوں کر رحم مرى حالت پہ سدا
مجھ سے نہ کبھى بھى ہونا خفا تم سے نہ کہوں تو کس سے کہوں
دشمن کو حسد نے اندھا کىا، کرتے ہىں جفا بےخوفِ خدا
دل کرچى کرچى ٹوٹ گىا تم سے نہ کہوں تو کس سے کہوں
ظلمت کى اندھى راہوں مىں نفرت کى ظالم بانہوں مىں
اب ہوگىا بالکل حال بُرا تم سے نہ کہوں تو کس سے کہوں
جو گھاؤ دئے ہىں اپنوں نے گہرے ہىں ہردم رِستے ہىں
مىں نے چپکے چپکے درد سہا تم سے نہ کہوں تو کس سے کہوں
(امۃ البارى ناصر۔امرىکہ)
