رمضان کا مہینہ رمضان کا مہینہ
خلدِ بریں کا زینہ رمضان کا مہینہ
نزولِ قرآن سے یہ ماہِ مبارک
لا منتہا برکتوں کا سفینہ رمضان کا مہینہ
فرمانِ خاتم الانبیاء کہ مومنوں کے لئے
رُشد و ہدایت کا قرینہ رمضان کا مہینہ
عبادتوں، ریاضتوں اور روحِ تقویٰ سے
مغفرتِ رب کا مہینہ رمضان کا مہینہ
فضلِ رب سے دخولِ جنت کا راستہ
اور رحمتوں کا نگینہ رمضان کا مہینہ
ارشادِ یزداں کہ گناہگاروں کے لئے
قبولیتِ توبہ کا دفینہ رمضان کا مہینہ
سب سے افضل رات کو دامن میں سموئے
لیلۃ القدر کا مہینہ رمضان کا مہینہ
دے گا خود خدا جس کا اجرِ عظیم
عہد نبھانے کا مہینہ رمضان کا مہینہ
قربِ ربِ رحیم راتوں کی عبادت سے پُر ریاضؔ
عشرۂ اعتکاف کا مہینہ رمضان کا مہینہ
(ریاض احمد ملک ؔ)
