اے کہ تُو ہے مُنعِم آلائے من
مَیں تِرا بندہ ہوں اے آقائے مَن
لُطف کُن بر من طُفیلِ آنکہ بُود
سیّدِ مَن، شیخِ مَن، مرزائے مَن
ہوں سَقِیمُ الحال اور مَعذُور، گو
اے طبیبِ جُملہ عِلَّتہائے مَن
عَرض سُن لے مہربانی سے مِری
اے سَمیعِ نالۂ شبہائے مَن
شِعرخوش کرنے کو کہتا ہوں تِرے
مہرباں ہو، تا، کرم فرمائے مَن
فائدہ بندوں کو بھی پہنچے ضرور
ہے مِرے مدِّنظر مولائے مَن
ہوں یہ میرے باقِیاتُ الصّالِحات
اے پناہ و مامَن و مَلجائے مَن
لوگ کرتے ہیں عبادت رات دن
میری یہ خدمت ہے اے ماوائے مَن
نَذر ہیں کچھ قطرہ ہائے خونِ دِل
اے بیادت ہی ہی و ہی ہائے مَن
(حضرت میر محمد اسماعیل صاحبؓ)
