ایک ماڑا، ایک تگڑا چوک میں
کر رہے تھے رات، جھگڑا چوک میں
یہ تماشا دیکھنے کے واسطے
جمع تھا ہر لُولا لنگڑا چوک میں
کاٹ کھائی ماڑے نے تگڑے کی ٹانگ
تگڑے نے ماڑے کو رگڑا چوک میں
مل گئی ماڑے کی عزت خاک میں
ڈھے گیا تگڑے کا پگڑا چوک میں
فیصلہ پھر بھی نہ مضطرؔ ہو سکا
کون ہے مدفون جبڑا چوک٭ میں
٭ایک آمر کی باقیات کا مدفن جوعرف عام میں جبڑا چوک کہلاتا ہے۔
(چودھری محمد علی مضطرؔ عارفی)
(اشکوں کے چراغ ایڈیشن سوم صفحہ584)
