نیلے اُفق میں طالع کہیں دور جا بسا
پردیس میں وہ آنکھوں کا اب نُور جا بسا
دے کر ہماری آنکھ کو اشکوں کی وہ رُتیں
جنّت کی سَرزمین پہ مغفور جا بسا
وہ چاندنی بکھیرنے افریقہ تھا گیا
ٹوٹا جو چاند اُس کا واں سب چُور جا بسا
بچھڑا بھری بہار میں خوشبو بھرا گُلاب
مٹی بھی مہکے اُس میں اِک منصور جا بسا
پیارا تھا وہ حضور کا جو صُبحِ نُور تھا
بَن کر شہید تاروں میں مسرور جا بسا
خادِم تھا اور غلام تھا دینِ متین کا
قُربان ہو کے دور وہ مشہور جا بسا
اہلِ وفا کے سلسلے کا تھا وہ شہسوار
طَے کرنے رستے نُور کے وہ طُور جا بسا
زخمی دلوں کو کر کے وہ اِک سیلِ غم عطا
خود عرش کی زمین پہ مبرور جا بسا
(عبدالجلیل عباؔد۔ جرمنی)
