اشعار اور نظم پڑھنا
نظم تو ہماری مجلس میں بھی سنائی جاتی ہے۔ آنحضرت ﷺ نے بھی ایک دفعہ ایک شخص خوش الحان کی تعریف سن کر اس سے چند ایک اشعار سنے پھر فرمایا کہ رَحِمَکَ اللّٰہُ یہ لفظ آپ جسے کہتے تھے وہ جلد شہید ہوجاتا۔ چنانچہ وہ بھی میدان میں جاتے ہی شہید ہوگیا۔ ایک صحابیؓ نے آنحضرتﷺ کے بعد مسجد میں شعر پڑھے۔ حضرت عمرؓ نے روکا کہ مسجد میں مت پڑھو۔ وہ غصہ میں آگیا اور کہا تو کون ہے کہ مجھے روکتا ہے میں نے اسی جگہ اور اسی مسجد میں آنحضرتﷺ کے سامنے اشعار پڑھے تھے اور آپ نے مجھے منع نہ کیا۔ حضرت عمرؓ خاموش ہوگئے۔
(ملفوظات جلد چہارم صفحہ308۔ مطبوعہ 2016ء)
(مرسلہ: شیخ آدم سعید۔ کینیڈا)
