ٹال دے سر سے سب بلاؤں کو
بھیج رحمت بھری گھٹاؤں کو
آنکھ پُر نم ہے شدّتِ غم سے
دور کر دے تُو ابتلاؤں کو
تُو غفور و رحیم ہے مولا
بخش بندے کی سب خطاؤں کو
گردشِ وقت پر شکنجہ کَس
نرم کردے مری سزاؤں کو
اب تو اپنی گرفت میں لے لے
اِن دکھاوے کے پارساؤں کو
سر پہ سایہ رہے محبّت کا
کر عطا لمبی عمر ماؤں کو
پُھول مہکے ہیں، رقص میں ہے نسیم
دور گلشن سے رکھ خزاؤں کو
اور تیرے سوا سُنے گا کون
میری اِن دکھ بھری فغاؤں کو
تُو ہی تو آخری سہارا ہے
بخش بشریٰ کی سب خطاؤں کو
(بشریٰ سعید عاطف۔ مالٹا)
