بدامنی کی جگہ پر احمدیوں کا کردار
ایک جگہ سے چند احمدیوں کا ایک خط حضرت (مسیح موعود علیہ السلام) کی خدمت میں پہنچا کہ اس جگہ بدامنی ہے لوگ آپس میں ایک دوسرے پر حملہ کرتے ہیں۔ کوئی پرسان نہیں۔ چند ملاں ہم کو قتل کرنا چاہتے ہیں کیا آپ کی اجازت ہے کہ ہم بھی ان کو قتل کرنے کی کوشش کریں؟
حضرت (مسیح موعودعلیہ السلام) نے فرمایا:
ایسا مت کرو۔ ہر طرح سے اپنی حفاظت کرو لیکن خود کسی پر حملہ نہ کرو۔ تکالیف اٹھاؤ اور صبر کرو۔ یہاں تک کہ خدا تعالیٰ تمہارے لئے کوئی انتظام احسن کردے۔ جو شخص تقویٰ اختیار کرتا ہے اور صبر کرتا ہے۔ خدا تعالیٰ اس کے ساتھ ہوتا ہے۔
(بدر 26 ستمبر 1907ء صفحہ6)
(داؤد احمد عابد۔ استاد جامعہ احمدیہ برطانیہ)
