اک شام ڈھلی پل بِیت گیا وقت پھر ہم سے جیت گیا
تف ہے گر سوچا سب کو پر مولا کی طرف نہ چِیت گیا
یوں گنگناتے پھرتے ہیں جیسے نفس اپنا ہو مار لیا
جیسے عہد وفا کی بیعت میں تن من دھن سب وار دیا
پوچھا ہے کیا خود سے ہم نے جو یہ برس بس گزار دیا
ظلم شرارت دھوکے اور خیانت سے کیا اجتناب کیا
کیا نَجس خیال و محفل سے کبر ریا و ترشی سے کنار کیا
کیا حلم عجز و ہمدردی ، کیا عفو و درگزر اختیار کیا
کیا نفسانی جوشوں سے بچتے ہوئے درود و استغفار کیا
جو گرد ذہن و دل پر تھی کیا اس کو کھرچ کے اتار دیا
یہ ارض بہشت ہو جائے گی جو کہا مسرور کا مان لیا
طوق مسیح کی اطاعت کا جب اپنے گلے میں ڈال لیا
یہ دل ناچے گائے گا جس دن خدا کو پہچان گیا
جھکو طاہر در پر اس کے یہ من سر خوشی کا جان گیا
(طاہر احمد ۔فن لینڈ)
