بیعت کرتے وقت شرائط بیعت کے الفاظ دہرانا
حضرت مرزا ایوب بیگ صاحب کی بیعت کا ذکر کرتے ہوئے آپؓ تحریر کرتے ہیں کہ ان سے حضرت مسیح موعودؑ نے ایک ایک شرط بیعت کہلوائی۔ چنانچہ آپ لکھتے ہیں:
انہوں نے حضرت مسیح موعود ؑ کی بیعت لاہور میں غالباً 1892ء میں کی تھی۔ وہ فرمایا کرتے تھے کہ جب میں حضرت صاحبؑ کی بیعت کرنے کے واسطے علیحدہ کمرہ میں داخل ہوا تو حضرت نے بیعت لینے کے وقت فرمایا کہ کہو کہ مَیں دس شرائط پر عمل کروں گا۔ مَیں نے عرض کی کہ مجھے معلوم نہیں کہ وہ دس شرائط کیا ہیں۔ تب آپؑ نے ایک ایک شرط مجھ سے کہلوائی۔
(ذکر حبیب از حضرت مفتی محمد صادق صفحہ6-7)
(داؤد احمد عابد۔ استاد جامعہ احمدیہ یو کے)
